29 | juin | 2015 | Bienvenue

សៀវភៅ«រឿងរ៉ាវនៃទឹកដីកម្ពុជាក្រោម ឬអតីតកូសាំងស៊ីន» បញ្ជាក់ពាក្យថា «ព្រៃនគរ» មានតាំងពី២៨៩ឆ្នាំមុនគ្រិស្តសករាជ ដែលជាក្រុងមានព្រះមហាក្សត្រខ្មែរបានគង់ប្រថាប់ផង។

ពីដើមឡើយ ក្រុង«ព្រៃនគរ» មានឈ្មោះថា «ព្រៃ-គ» ដែលជនជាតិអណ្ណាម (វៀតណាមសព្វថ្ងៃ) បានប្រែថា «កីហ្គន» (Cây Gon) គឺ «ដើម-គ»។ ចំណែកជនជាតិបារាំងបានហៅក្លាយទៅជា «សាយហ្គន» Sai Gon ដូច្នេះទៅវិញ។ សូមជម្រាបថា ពេលខ្លះ អក្សរ C និង S ក្នុងភាសាបារាំងមានសំនៀង «ស»ដូចគ្នា។ អ៊ីចឹងហើយបានជាបារាំងអានអក្សរ C ក្នុងភាសាវៀតណាម ជា S តាមភាសារបស់ខ្លួនទៅវិញ។ ពោលគឺបារាំងអានថា «សាយហ្គុង»។

-ប្រភព៖ សៀវភៅ«រឿងរ៉ាវនៃទឹកដីកម្ពុជាក្រោម ឬអតីតកូសាំងស៊ីន», ភ្នំពេញ, គ្រឹះស្ថានបោះពុម្ពឥន្ទ្រទេវី, បោះពុម្ពលើកទី២, ឆ្នាំ២០០៥, ទំព័រទី១៩, រៀបរៀងដោយ ទៀ ថេន តាមលំនាំឯកសារ ហ៊ូ នឹម។

ក្នុងពិធីរម្លឹកខួប៦៤ឆ្នាំនៃការបង្កើតគណបក្សប្រជាជាជនកម្ពុជានៅម្សិលមិញនេះ គេកត់សម្គាល់ឃើញថា ជារឿងទីមួយហើយ ដែលលោក ហ៊ុន សែន លើកឡើងពីសមិទ្ធផលថ្ងៃ៧មករា ដោយមិនបានរម្លឹកពីគុណូបការៈរបស់កងទ័ពវៀតណាម ឲ្យធំដុំដូចកាលរាល់ដងឡើយ។ កាលពីថ្ងៃ២៤មិថុនាកន្លងទៅ គឺជាថ្ងៃខួបទី៤៨ឆ្នាំនៃទំនាក់ទំនងការទូតកម្ពុជាវៀតណាម ក៏ពុំបានប្រារព្ធពិធីរម្លឹកខួបអ្វីទេ ទោះបីជាក្នុងនាមរដ្ឋាភិបាលក្តី ឬក្នុងនាមគណបក្សក្តី។ មិនតែប៉ុណ្ណោះ ពីពេលថ្មីៗនេះ ក្រសួងការបរទេសកម្ពុជា បានចេញកំណត់ទូតចំនួន៣បន្តបន្ទាប់គ្នា ទៅកាន់ប្រទេសវៀតណាម ពីរឿងជម្លោះព្រំដែនទៀតផង។ ហេតុផលទាំងនេះហើយ បានជាធ្វើឲ្យអ្នកខ្លះយល់ថា ប្រទេសកម្ពុជាកំពុងតែចង់ដោះដៃពីវៀតណាម។

RFI : http://km.rfi.fr/cambodia/voudrait-t-il-cpp-laisser-tomber-vn-29-06-2015/

សូមស្តាប់សេចក្តីរាយការណ៍របស់ ហេង ឧត្តម http://mfi.re/listen/675i73qahjupc55/07h00-Daily_Cambodia_Event-Oudom-29-06-2015.mp3