Archives

តើ​គួរ​បោះបាយ​បិណ្ឌ​ ឬមិនគួរ?

1187941263340260

រូបថតរបស់ Everyday.com

ការបោះបាយបិណ្ឌ កំពុងបង្កជាសង្គ្រាមប៉ាកការវាងអ្នកជឿនលឿននិយម និងអ្នកអភិរក្សនិយម។ ម្ខាង អះអាងដាច់ខាតថា មិនគួរបោះបាយបិណ្ឌទៀតទេ ព្រោះជាជំនឿឥតប្រយោជន៍ និងខាតបង់សេដ្ឋកិច្ច។ ម្ខាងទៀត យល់ថា គួរតែបន្តប្រកាន់ជំនឿនេះ ព្រោះជាប្រពៃណី និងជាទម្លាប់យូរមកហើយរបស់ដូនតា ហើយចាស់ទុំបានបង្កប់ន័យអប់រំនៅក្នុងពិធីនេះផង។ ទោះជាយ៉ាងណាក្តី ពួកគេក៏យល់ស្របគ្នាដែរថា ការធ្វើបុណ្យ គឺត្រូវប្រកបដោយបញ្ញា។

សូមស្តាប់សេចក្តីរាយការណ៍របស់ ហេង ឧត្តម ៖ http://km.rfi.fr/cambodia/polemique-fete-des-morts-oudom-21-09-2016

 

Publicités

តើសិស្សធ្លាក់បាក់ឌុប គួរធ្វើអ្វីទៀត?

Siv channa07

ឆ្នាំ២០១៦នេះ សិស្សប្រឡងធ្លាក់បាក់ឌុប មានចំនួនជាង៣ម៉ឺន៣ពាន់នាក់ ហើយ អ្នកប្រឡងជាប់សញ្ញាបត្រមធ្យមសិក្សាទុតិយភូមិមានចំនួនជាង៥ម៉ឺន៥ពាន់នាក់។ គេមើលឃើញថា ក្រសួងនិងស្ថាប័នពាក់ព័ន្ធជាច្រើន ខំប្រឹងយកចិត្តទុកដាក់រៀបចំវេទិកាតម្រង់ទិស ឲ្យពួកគេចូលរៀនមហាវិទ្យាល័យ។ ជាមួយគ្នានេះ អ្នកជាប់បាក់ឌុប ពិសេសបេក្ខជននិទ្ទេសA ក៏ត្រូវបានទទួលការកោតសរសើរ និងទទួលការអបអរស្វាគមន៍ រហូតដល់ថ្នាក់ នាយករដ្ឋមន្ត្រី អនុញ្ញាតឲ្យចូលជួបសំណេះសំណាល នៅទីស្ដីការគណៈរដ្ឋមន្ត្រីក្នុងសប្តាហ៍ក្រោយនេះទៀតផង។ ក៏ប៉ុន្តែ ចំពោះសិស្សប្រឡងធ្លាក់បាក់ឌុបវិញ គេសង្កេតឃើញថា ហាក់មិនសូវមានអ្នកណាយកចិត្តទុកដាក់ច្រើនប៉ុន្មានឡើយ។ ដូច្នេះ តើពួកគេទាំងនោះ គួររៀនឡើងវិញ ឬគួរធ្វើអ្វីទៀត?
 
សូមស្តាប់ សេចក្តីរាយការណ៍របស់ ហេង ឧត្តម ៖ http://km.rfi.fr/cambodia/what-should-students-who-fail-the-exam-do-18-09-2016

អ្នកសង្កេតការណ៍​និងអ្នកវិភាគ៖ បាក់ឌុប​ជាប់​​​ច្រើន តែ​វិញ្ញាសា​​ក៏ខុស​​និង​​ធូរ​​ច្រើន​​ដែរ!

Siv channa03

រដ្ឋមន្ត្រីអប់រំភ្ញាក់ផ្អើលនៅពេលឃើញសិស្សប្រឡងជាប់និទ្ទេស A ច្រើនជាង៤០០នាក់ គឺច្រើនដល់ទៅ៤ដងបើធៀបនឹងឆ្នាំមុន។ ចំណែកលទ្ធផលបាក់ឌុប ជារួមមានជាប់ជាង៦២ភាគរយ នៃបេក្ខជនជិត៩ម៉ឺននាក់។ ក៏ប៉ុន្តែចំពោះអ្នកសង្កេតការណ៍និងអ្នកវិភាគពីវិស័យអប់រំ នៅតែមើលឃើញថា ក្រសួងអប់រំបានប្រព្រឹត្តកំហុសដដែលៗ គឺមានចេតនាធ្វើឲ្យវិញ្ញាសាធូរស្រាល និងវិញ្ញាសាប្រលងមានកំហុស ដើម្បីឲ្យសិស្សជាប់ច្រើន។ លើសពីនេះ អ្នកខ្លះទៀតបញ្ជាក់ថា គ្រាន់តែធ្វើកំណែទម្រង់ការប្រឡងបាក់ឌុប គឺនៅមិនទាន់គ្រប់គ្រាន់ធ្វើឲ្យវិស័យអប់រំប្រសើរនោះទេ។

សូមស្តាប់ សេចក្តីរាយការណ៍របស់ ហេង ឧត្តម ៖

http://km.rfi.fr/cambodia/-bacc2-faute-question-faible-RFI-Oudom-11-09-2016

ការ​ចុះ​ទៅ​មូលដ្ឋាន គឺជាទម្លាប់ល្អ​​ ដែល​មេ​ដឹក​នាំ​ន​យោបាយ ​ត្រូវតែធ្វើ​ជា​​ប្រចាំ!

13709979_1055857534462743_5281910657899300323_n

លោក ហ៊ុន សែន ប្រមុខរដ្ឋាភិបាលកម្ពុជា បានប្រកាសថា លោកនឹងបើកយុទ្ធនាការចុះជួបមន្រ្តីរាជការ និងប្រជាពលរដ្ឋ នៅ២៥រាជធានីខេត្តក្រុង ដោយផ្តើមចេញពីខេត្តបាត់ដំបងមុនគេ។ លោក ហ៊ុន សែន ចាត់ទុកថា នេះគឺជាឱកាស ដែលអាចពិនិត្យមើលដោយផ្ទាល់ អំពីសមិទ្ធផលនៅតាមបណ្តាខេត្ត និងបញ្ហាប្រឈមនានារបស់ប្រជាពលរដ្ឋ។ ជុំវិញដំណើរទៅមូលដ្ឋាននេះ, ទាំងអ្នកវិភាគនិងអ្នកតំណាងបក្សប្រឆាំងខ្លួនឯងផង បញ្ជាក់ថា មិនមែនជាការលួចចម្លងពីគ្នាទេ តែគឺជាទម្លាប់ល្អដែលមេដឹកនាំបក្សនយោបាយត្រូវតែធ្វើជាប្រចាំ!

សូមស្តាប់សេចក្តីរាយការណ៍របស់ ហេង ឧត្តម ៖

http://km.rfi.fr/cambodia/hunsen-22-06-2016

13729084_1055856931129470_7834040144856769798_n

សង្គមស៊ីវិល៖ ​សិទ្ធិនារី៨មីនា គួររៀប​ចំ​ពិធី​ដើម្បី​ស្តាប់ពីទុក្ខព្រួយនិងក្តីកង្វល់របស់ស្ត្រីរងគ្រោះ ប្រសើរ​ជាង​ពិធីអបអរ​​ជូនពរនិង​សរសើរ​គ្នា​ឯង!​

Workers demand human rights in Cambodia

All photos in this article are not my credits

ថ្ងៃស្អែក​នេះ​ គឺ​ជា​ទិវា​សិទ្ធិនារី​អន្តរជាតិ ៨មីនា។ ក្រសួង​កិច្ច​ការ​នារី​ បាន​ប្រកាសហើយ​​ថា​នឹង​រៀប​ចំ​កម្មវិធី​អបអរ​នៅ​ថ្នាក់​ជាតិ​និង​មូល​ដ្ឋានជា​ច្រើន​។ ក៏ប៉ុន្តែ​មន្ត្រី​សង្គម​ស៊ីវិលខ្លះ​​នៅតែ​មើល​ឃើញថា ការ​រៀបចំ​កម្មវិធី​៨មីនា គឺ​គ្រាន់តែ​ជា​ឱកាស​ឲ្យ​មន្ត្រីធំៗ​​ជូន​ពរ​គ្នា​ និ​ងសរសើរលើកជើង​​គ្នាឯងតែប៉ុណ្ណោះ​​! ចំណែក​យុទ្ធសាស្ត្រ​ក្នុង​ការ​លើក​កម្ពស់​សិទ្ធិ​ស្រ្តី គ្រាន់តែ​នៅ​លើ​ក្រដាស ប៉ុន្តែ​សាច់​ការ​ជាក់​ស្តែង សូវ​មាន​ទេ​​។ បើតាមក្រុមមន្ត្រីសង្គមស៊ីវិល ជំនួសឲ្យការធ្វើពិធីអបអរធំដុំ គគ្រឹកគគ្រេង គេគួររៀបចំវេទិកាបែបសាច់ការ ដើម្បី​ស្តាប់ពីទុក្ខព្រួយ ក្តីកង្វល់ និងសេចក្តីលំបាកវេទនារបស់ស្ត្រីរងគ្រោះវិញ​៕

RFI: http://km.rfi.fr/cambodia/women-day-8th-march-07-03-2016

2027

សូម​ស្តាប់សេចក្តី​រាយ​ការណ៍របស់ ហេង ឧត្តម ៖ 

http://www.mediafire.com/download/93c6a5pl7y8genr/07h00-Daily-Cambodia-Event-Oudom-22-02-2016.mp3

epa04522470-cambodian-workers-carry-a-banner-reading-stop-violence-ECEYT9

តើ​កម្ពុជា​ត្រូវ​មាន​ច្បាប់​​បរិច្ចាគ​សាកសព និង​សរីរាង្គ ​ដែរ​ឬ​ទេ?

​ការ​បរិច្ឆាគ​សាកសព​និង​សរីរាង្គ មាន​សារៈ​ប្រយោជន៍​ណាស់​សម្រាប់​ការ​ស្រាវជ្រាវ​វេជ្ជសាស្ត្រ និង​វិស័យ​សុខាភិបាល​ខ្មែរ​ ពិសេស​គឺ​ការ​ជួយ​សង្គ្រោះ​អាយុ​ជីវិត​មនុស្ស​តែ​ម្តង។ ក៏​ប៉ុន្តែ​នៅ​កម្ពុជា​ មិន​ទាន់​មាន​ច្បាប់​អនុញ្ញាត​ឲ្យ​មាន​ការ​បរិច្ឆាគ​​សាក​សព​ ឬ​សរីរាង្គ​កាយ​នៅ​ឡើយ​ទេ។ ចំណែក​ការ​បរិច្ចាគ​សាក​សព​ទៀត​សោត អ្នក​ជឿ​ជំនឿសាសនា​ខ្លះ មិន​ទាន់​សុខ​ចិត្ត​នោះ​ទេ។ យ៉ាងណា​ក៏​ដោយ​ចុះ​ និស្សិត​ពេទ្យ​មួយ​ចំនួន​ និង​លោក​ស្រី​វេជ្ជបណ្ឌិត ​លី ស្រីវីណា យល់ថា ​ការ​​បរិច្ចាគ​សាកសព​និង​សរីរាង្គ​នេះ​​ អាច​នឹង​ជួយ​ការ​បោះ​ពួយ​ទៅ​មុខ​របស់​វិស័យ​សុខាភិបាល​កម្ពុជា ក៏​ប៉ុន្តែ​ចាំបាច់​ត្រូវ​មាន​ការ​ចូលរួម​របស់​ពល​រដ្ឋ ហើយ​ក៏ត្រូវ​មាន​ការ​អនុម័ត​ច្បាប់។ ចំណែក​អ្នក​តំណាង​រា​ស្ត្រ​ លោក​ស្រី ពត ពៅ សមាជិក​គណៈ​កម្មការ​ទី​៨រដ្ឋសភា​ ដែល​ទទួល​​បន្ទុក​សុខាភិបាល​ផង​នោះ ប្រាប់​ថា រដ្ឋសភា​នឹង​​កោះ​ហៅ​រដ្ឋមន្ត្រី​សុខាភិបាល​ទៅ​សួរ​ដេញ​ដោរ​ជុំវិញ​រឿងនេះ នៅ​ពេល​ឆាប់​ៗ​។​

តទៅនៅ​សូម​ស្តាប់​សេចក្តីរាយការណ៍​ដោយ ហេង ឧត្តម ៖ http://www.mediafire.com/download/vff98y5h8yrpd4d/for_website-07h00-Daily-Cambodia-Event-Oudom-29-02-2016.mp3

គណៈកម្មាធិការ​ទី​មួយ​របស់​រដ្ឋសភា ​នឹង​លូក​ដៃ​ជ្រៅ​ចំពោះ​ករណី​​រុះរើសអាជីវកម្ម ​​នៅ​តាម​ឆ្នេរ​ របស់​ខេត្ត​ព្រះ​សីហនុ

plage_kampong_som_432_1

អាជ្ញាធរ​ខេត្ត​ព្រះ​សីហនុ បាន​ប្រកាសឲ្យ​អាជីវករ​ ​នៅ​តាម​មាត់​ឆ្នេរ​រុះ​រើអាជីវ​កម្ម​​ចេញ​ ឲ្យ​បាន​មុន​ថ្ងៃទី​១៣មីនាខាងមុខ​នេះ ព្រោះ​ការ​សាង​សង់​របស់ពួក​គេ​ទាំងនោះ បាន​រំលោភ​លើ​ដី​រដ្ឋ ហើយ​អាជ្ញាធរ​​​ត្រូវការ​ធ្វើ​សួន​ច្បារ​ថ្មី និងរៀប​ចំ​បរិស្ថាន​ឆ្នេរ​ឲ្យ​ស្អាត​ល្អ​។​ ការ​សម្រេច​ចិត្តនេះ ​ធ្វើ​ឲ្យអាជីវករ​ទាំង​នោះ ភ័យ​ខ្លាចនិង​​ព្រួយ​បារម្ភ​ ហើយ​រត់​ទៅ​ដាក់​ញត្តិ​សុំ​អន្តរាគមន៍​ពី​រដ្ឋសភា​និង​រដ្ឋាភិបាល។ ជាមួយ​គ្នា​នេះ ពលរដ្ឋ​ខ្លះ ​ចង់​ទាម​ទារ​ឲ្យ​រដ្ឋ​ដាក់​កំណត់​បទដ្ឋាន​​​អនាម័យឲ្យ​ច្បាស់​លាស់​ ហើយ​ពួក​គេ​នឹង​គោរព​តាម ព្រមទាំង​​ស្មគ្រ​ចិត្ត​បង់​ពន្ធ​​ជូន​រដ្ឋ​ផងដែរ ក៏ប៉ុន្តែសុំ​កុំ​បណ្តេញ ឬ​រុះ​រើ​ដោយ​គ្មាន​កន្លែង​ឲ្យ​ពួក​គេ​រកស៊ី។ ​ចំណែក​មន្ត្រី​សង្គម​ស៊ីវិលប្រចាំ​ខេត្ត​នេះ​ លើក​ឡើងថា អាជ្ញាធរ​គួរតែ​ធ្វើ​ឲ្យមាន​​ស្មើ​ភាព​គ្នា! ពោលគឺ​ត្រូវ​រុះរើស​ បើក​ទូលាយ​គ្រប់​ឆ្នេរ​ទាំង​អស់ជា​មុន​​សិន! មុន​នឹង​មកសម្រេច​​បង្ខំ​ឲ្យ​រុះរើសចំពោះ​ឆ្នេរ​ដែល​កំពុង​ធ្វើ​អាជីវ​កម្ម​ស្រាប់។ រីឯ​គណៈកម្មាធិការ​ទី​១ របស់​រដ្ឋសភាដែលមាន​លោក ជា ប៉ូច ​ជាសមាជិក អះអាង​ថា​នឹងលូកដៃ​ជ្រៅ ក្នុង​រឿងនេះ ដោយ​ចុះ​ទៅ​ស៊ើប​អង្កេត​ ហើយ​ជជែក​ជាមួយ​អាជ្ញាធរ​ដែន​ដីផ្ទាល់​តែម្តង នៅ​ថ្ងៃ​ព្រហស្បតិ៍​នេះ​។

តទៅនេះ សូម​ស្តាប់សេចក្តីរាយការណ៍​របស់ ហេង ឧត្តម ៖​ 

http://www.mediafire.com/download/93c6a5pl7y8genr/07h00-Daily-Cambodia-Event-Oudom-22-02-2016.mp3