សង្គម​ស៊ីវិល​និង​រដ្ឋាភិបាល​ រៀប​ចំ​ពិធីពិភាក្សា​និង​​អប់រំ​បរិស្ថាន​ផ្សេងគ្នា តែ​មាន​ចំណុច​វិជ្ជមាន​ច្រើន​ដូចគ្នា​!​

Publié juin 5, 2016 par HENG Oudom

នៅថ្ងៃអាទិត្យទី៥ខែមិថុនានេះ ជាទិវាបរិស្ថានពិភពលោក។ នៅកម្ពុជា ប្រជាសហគមន៍ព្រៃឈើ និងបណ្តាញទន្លេ អង្គការសង្គមស៊ីវិល បានរៀបចំកម្មវិធីជជែកពិភាក្សា ដើម្បីផ្តល់ឲ្យបណ្តាញសហគមន៍ លើកឡើងពីបញ្ហាបរិស្ថានដែលពួកគេជួបប្រទះប្រចាំថ្ងៃ។ ចំណែកក្រសួងអប់រំនិងក្រសួងបរិស្ថានវិញ ក៏រៀបចំទិវាបរិស្ថានជាតិនិងបរិស្ថានពិភពលោក រួមគ្នាតែម្តង នៅវិទ្យាល័យឥន្ទ្រទេវី ក្នុងខណ្ឌទួលគោក។ ជាការកត់សម្គាល់ ក្នុងវេទិកាផ្សេងគ្នាទាំងពីរនេះ មានការបញ្ជ្រាបព័ត៌មាន ចំណេះដឹងបរិស្ថាន និងការសួរដេញដោលគ្នាជាច្រើន ប្រកបដោយបរិយាកាសវិជ្ជមានជាងលើកមុនៗ។ សូមស្តាប់ ហេង ឧត្តម៖ 

http://km.rfi.fr/cambodia/journee-mondiale-environnement-rfi-Oudom-05-06-2016

13342410_1098754916838013_1380786373_n

នៅសាលាឯកជនមួយក្នុងក្រុងភ្នំពេញ វេទិការបស់សង្គមស៊ីវិលដែលមានសមាភាពភាគច្រើនជានិស្សិតនិងពលរដ្ឋមកពីបណ្តាញសហគមន៍ ប្រមាណជាង៣០០រយនាក់ បានលើកឡើងពីស្ថានភាពបរិស្ថាន និងព្រៃឈើក្នុងសហគមន៍របស់ពួកគេ។ អ្នកមកពីបណ្តាញព្រៃឡង់ បានបញ្ចេញយោបល់ថា ពួកអ្នកមានលុយមានអំណាច ឬជាឈ្មួញឈើ បានប្តូរវិធីសាស្ត្របំផ្លាញព្រៃឈើ ពីការលួចកាប់ឈើឆៅៗនៅពេលថ្ងៃ ប្តូរមកកាប់ឈើនៅពេលយប់វិញ។ ម្យ៉ាងទៀត ក្រុមឈ្មួញខ្លះ មិនឲ្យបុគ្គលិក ឬគូកនទៅកាប់ឈើដោយផ្ទាល់ទេ តែពួកគេទិញឈើបន្តពីប្រជាពលរដ្ឋទៅវិញ។

ចំណែកអ្នកមកពីបណ្តាញព្រៃឡង់ដែលចូលរួមក្នុងពិធីនេះវិញ សមាជិកសហគមន៍ខ្លះ បានសាទរចំពោះវិធានការរបស់ក្រសួងបរិស្ថាននិងរដ្ឋាភិបាលដែលទទួលស្គាល់ថាបណ្តាញសហគមន៍ការពារព្រៃថាជាដៃគូសហការ។ តែយ៉ាងណាក៏ដោយ ពួកគេអះអាងថា ក្រុមរបស់ខ្លួននៅមិនទាន់មានសិទ្ធិអំណាចច្រើននៅឡើយទេ ក្នុងការចុះធ្វើសកម្មភាពបង្ក្រាបការកាប់បំផ្លាញព្រៃឈើ។

13348675_1098754903504681_388267942_n

ជាការកត់សម្គាល់ នៅក្នុងវេទិការបស់សង្គមស៊ីវិលលើកនេះ ក៏មានអ្នកតំណាងពីក្រសួងបរិស្ថាន ទៅចូលរួមស្តាប់ និងធ្វើជាវាគ្មិនឆ្លើយឆ្លងក្នុងកម្មវិធីនេះ ដែលជាឱកាសដ៏កម្រ។ ក្នុងការជជែកពិភាក្សា មានសំណួរចម្រូងចម្រាស់ជាច្រើន និងក៏មានការរិះគន់លើចំណុចរស៊ើបមួយចំនួន ដែលជាកង្វះខាតរបស់អាជ្ញាធរ។ ការសួរឆ្លើយ ក៏មានរាលដាលរហូតដល់មានការសួរដល់ការចាយវាយលុយការពានរង្វាន់របស់លោក អ៊ូច ឡេង។ លោក អ៊ូច ឡេង ដែលទើបតែទទួលបានពានរង្វាន់ Goldman  និងបានទឹកប្រាក់១៧៥ ០០០ ដុល្លារអាមេរិក។ ជនឆ្នើមខាងបរិស្ថាននេះ ក៏តបទៅវិញ ថា កុំព្រួយបារម្ភ គាត់នឹងយកលុយនោះ សម្រាប់កិច្ចការបរិស្ថាន និងការពារធនធានធម្មជាតិឲ្យមានតម្លាភាព។

IMG_8404

រីឯក្រសួងបរិស្ថាន នៅឆ្នាំនេះ បានរួមសហការជាលើកដំបូងជាមួយនឹងក្រសួងអប់រំយុវជននិងកីឡា រៀបចំទិវាបរិស្ថាន ក្រោមប្រធានបទ «ចូលរួមទាំងអស់គ្នា ដើម្បីពិភពលោកស្រស់ស្អាត»។ ពិធីរបស់ស្ថាប័នរដ្ឋទាំងពីរ មានគោលបំណង បញ្ជ្រាបការយល់ដឹងអំពីបរិស្ថាន សំដៅលើកកម្ពស់ គុណភាពបរិស្ថាន ក៏ដូចជា ផ្នត់គំនិតការអភិរក្សជីវៈចម្រុះ និងការរស់នៅប្រកបដោយចីរភាព។ ក្នុងឱកាសនេះ ក៏មានការសួរសំណួរពាក់ព័ន្ធនឹងចំណេះពីបរិស្ថានពីសំណាក់សិស្សនិស្សិត ដើម្បីបានរង្វាន់ថែមទៀតផង៕

 

Publicités

Laisser un commentaire

Choisissez une méthode de connexion pour poster votre commentaire:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s

%d blogueurs aiment cette page :