រឿងនេះ ត្រូវបានលុបចេញ!
***-***
រំលោភបានសម្រេចសម្លាប់បំបិទមាត់ នៅព្រៃអង្គរ!
យុវនារីវ័យក្មេងម្នាក់ ត្រូវក្រុមទុច្ចរិតមិនស្គាល់មុខមួយក្រុម បានព្រួតគ្នារំលោភបានសម្រេច រួចសម្លាប់បំបិតមាត់។
កាលពីព្រឹកថ្ងៃអាទិត្យម្សិលមិញ ក្រុមប៉ូលិសប្រចាំការនៅតំបន់អង្គរបានប្រទះឃើញសាកសពស្រីម្នាក់ដេកស្លាប់នៅក្នុងរណ្តៅថ្លុកឈាម កៀនមាត់ផ្លូវ ដែលមានមែកឈើបាំងគ្របពីលើ។
តាមរយៈភស្តុតាងនៅនឹងកន្លែងកើតហេតុ មានសម្លៀកបំពាក់អាវយឺតពណ៌លឿង និងខោខៅបយត្រូវហែកចេញពីដងខ្លួន ជាពិសេសលើរាងកាយសពស្រ្តីរងគ្រោះ ភាគខាងអវយវៈភេទត្រូវដាច់រលាត់ជាខ្លាំង។ ក្រុមអ្នកជំនាញបានធ្វើកោសល្យវិច្ច័យឃើញថា ស្រីរូបនោះត្រូវយុវជនមួយក្រុមប្រមាណជាមានគ្នា៥នាក់ ព្រួតរំលោភ ហើយចាក់សម្លាប់នឹងកូនកាំបិតស្នៀតខ្លី។
សាក្សីនៅកន្លែងកើតហេតុ លោកអ៊ំឌុតបាននិយាយថា៖«ពេលខ្ញុំដឹកឧសមកដល់ត្រង់នេះ ក៏ចុះជុះនោមស្រាប់តែ ឃើញមានឈាមប្រឡាក់ពេញដី ហើយខ្ញុំក៏រកមើលទៅ ក៏ឃើញខ្មោចស្រីនោះ ដេកស្លាប់បាត់ទៅហើយ» ។
សមត្ថកិច្ចបានរកឃើញអត្តសញ្ញាណបណ្ណមួយសន្លឹកក្នុងកាបូបលុយ ដែលខ្ទាតឆ្ងាយបន្តិចពីសាកសព។ គេបានដឹងថានារីរងគ្រោះនោះឈ្មោះ ជា-ការីណា… ។
ក្នុងខណៈពេលដែលអ្នកស្រុកធ្វើដំណើរតាមផ្លូវក្នុងតំបន់អង្គរផ្អើលឆោឡោពីឃាតកម្មដ៏សាហាវព្រៃផ្សៃមួយនេះ ពុំទាន់មាននរណាម្នាក់មកធានាអះអាងពីការបាត់សមាជិកគ្រួសារ ហើយយកសពទៅធ្វើបុណ្យបូជាតាមប្រពៃណីនៅឡើយទេ។
ចំពោះករណីខាងលើ រហូតមកដល់ពេលនេះ ខាងសមត្ថកិច្ចប្រចាំតំបន់ពុំទាន់មានការអះអាងយ៉ាងណានោះទេ តែបានបង្ហាញជំហរយ៉ាងរឹងមាំថា ខាងលោកនឹងបន្ត បើកការស៊ើបអង្កេតតទៅទៀត ក្នុងការវែកមុខក្រុមឧក្រិដ្ឋជន៕
ដោយ៖ជំនោរសមុទ្រ
******
Bienvenue 
អរគុណបងផ្កាយដុះកន្ទុយដែលចាប់អារម្មណ៍រឿងបែបនេះ! ដោយសារតែមានចំណាប់អារម្មណ៍អានស្នាដៃមួយនេះរបស់បងស្រី។ ក្នុងថ្ងៃនេះ ខ្ញុំសម្រេចប្រកាសភាគបញ្ចប់តែម្តង! សូមអរគុណទុកជាមុនសម្រាប់មតិរិះគន់កែលម្អ!